Staðlaðar skilagreinar

Launagreiðendur senda reglulega upplýsingar um iðgjöld launþega til lífeyrissjóða, stéttarfélaga og annarra tengdra sjóða. Til að tryggja öryggi og auðvelda þessi samskipti nýta launakerfi og innheimtuaðilar iðgjalda staðlaða tækniforskrift og miðlæga þjónustu á skilagrein.is.

Hlutverk skilagrein.is

Vefurinn virkar sem miðlægur vettvangur sem auðveldar sendingu og bókun skilagreina:

• Hvert á að senda: Launakerfi sækja grunnupplýsingar um hvert á að senda iðgjöld og aðrar forsendur.
• Tækniforskrift: Gildandi tækniforskriftir fyrir samskipti launakerfa og vefþjónusta innheimtuaðila.
• Þróun og samstarf: Landssamtök lífeyrissjóða annast rekstur skilagrein.is og þróun tækniforskrifta í samstarfi við hagaðila á þessu sviði.

Skráðu þig á póstlista til að fylgjast með tilkynningum um þróun og uppfærslur.

Hvernig virka skilagreinar?

1. Launakerfi sækja reglulega upplýsingar frá opinni vefþjónustu til að viðhalda stillingum. Þetta tryggir að launakerfið viti hvert á að beina samskiptum.
2. Launakerfi tengist staðlaðri grunnslóð hvers og eins innheimtuaðila til að sækja sértækar stillingar og upplýsingar um endapunkta fyrir skilagreinar og villupróf ef sú þjónusta er boðin.
3. Launakerfi getur sent prufuskeyti og innheimtuaðili svarar án þess að bóka réttindi. Þessi valkvæða þjónusta er til að lágmarka villur í skilum.
4. Launakerfi sendir inn skilagrein og innheimtuaðili sendir svarskeyti sem tilgreinir villur eða staðfestir móttöku. Innheimtuaðili bókar réttindi launþega í sínum kerfum niður á viðkomandi sjóði.